حكاية شارع ومنطقه وميدان
============ مسحراتى
مسحراتى بنادى
باغنيلك يا مصر يابلدى
بصوت جميل هادى
باقول يا فرعونى يامصرى
يا عزى وحضارتى
وجل نسل اجدادى
يا قاهرة المعز
يا مدينتى وامجادى
يا مسقط الراس
وشهادة فخر لميلادى
بحدايق القبه موطنى
وتلاقى اهلى مع ناسى
وبالويلى عاشرت ناس
واهديتهم ودى واخلاصى
وبدير الملاك هناك
هتلاقى قصر ثقافه لريحانى
منه بدات اكتب باحساسى
وجامع لاسد المنابر الكاسر
عبد الحميد كشك دا امامى
ياما صلينا بخشوع وراه
والدمع على الخدود جارى
وهناك استوديو جلال
تراث شعبى واعلامى
على نصيته هتلاقى
فصه لمنبت طفولتى
ومهد لحرفى وبراعى
وبيتى وسكنى وعنوانى
وبمنشية الصدر هتلاقى
اعز احبابى واصحابى وخلانى
اليوم هناك هقول مسحراتى
اصحو يا نايمين لكلامى
واجوب شوارعها ادندن بموالى
من احمد شفيق لبسيونى
ومن ولى العهد لخليجى
ومن الدويدار للقصر الجمهورى
للقصيرين والشادر ومكاوى
ومن سكة الويلى للنقراشى
هقول انا شاعر بدى
احيى فنى وتراثى
برمضان مسحراتى
عشقت يا ناسى
كلام فؤاد حداد ومكاوى
اصحى يا نايم
وقول باقى الشهر الكريم
على صيامه ان ناوى
السعى للصلاة والصوم
خير من النوم
يا حدايق القبه
يا روضة عامرة بالنجوم
كان بيك شاديه واسماعيل ياسين
وكمال الطويل وجاهين
والكواوى وابو غزاله كمان
وحماده هلال بيك واشرف عبد الباقى
وبهاء سلطان وطارق النهرى
وزكريا ناصف والخواجه وعادل الكومى
والحكم الدولى عبد الحميد رضوان
ومؤمن حسن ومى سعيد وحنان
وكتير من النجوم والفنانين
واليوم على قبة الشيخ حسان
انا شايف هلال رمضان
بيقول اصحو يا نايمين
وحدو كريم رحيم رحمن
شهر احسان
والله بعوده يا رمضان
بقلم
==== راسم محمد
مدونة حكمات|HUKMAT مدونة تهتم بالمجال المعلوميات و خصوصا المواقع و المدونات ،ثم إنشاء المدونة من اجل تبادل الأفكار و المعلومات بين المدونين و تطوير مهاراتهم ، و ايضا تحسين خبراتهم في مجال الربح .
محول الاكواد محول الأكواد اضافة الإبتسمات اضافة الإبتسمات